新年派利是予外傭須知

 

在疫情的影響下,香港人近幾年的生活都過得比較辛苦及狼狽。除了影響心情之外,因為防疫措施既安排,很多原本令大家開開心心的聚會活動都受影響,包括:

 

因為擔心疫情,拜年時減少到親戚屋企拜年之頻率。

 

往年團年飯多數人會一齊全家人係屋企食或者出街食,但疫情影響下很多家庭都不會再和親戚一齊食團年飯。

 

以往新年派利是或者上門逗利是為其中一環最令人雀躍的環節,講求「團圓」同埋「雙雙對對」等好彩頭。但在疫情影響下,很多人會透過Payme電子平台接收利是。雖然方便了不少,但在意義上真的遜色不少。

 

其實除了香港人之外,菲傭印傭在疫情影響之下,生活亦都過得不容易。

陽光女傭中心建議僱主可以透過新年期間派利是予女傭,除了是一份心意之外,亦都可以激勵女傭的工作士氣。

 

派利是時點講好?


派利是予外傭時,其實是一個可以好好和外傭交流既機會,藉此拉近僱傭關係。千萬不要直接派完利是予外傭就算!大家可以在派利是予外傭時參考以下說法:

 

『疫情期間,你一直都做得好好!』

 

『多謝你願意配合我地,令我地全家人都安心抗疫。』

 

『現時經濟環境不太好,你家鄉無疑都會受到影響,希望以下少少心意,等你同家人共渡時艱!』

 

『感謝你留係我地屋企幫手呀!』

派利是時要小心!


派利是原是係件開心既事,但其實我地過往都收到唔少因為派利是而引起既投訴。為左避免不必要既誤會,我地有以下貼士俾僱主:

 

銀碼要分明: 其實派幾多利是錢無一定既標準。即使派$50、$100俾傭工,佢地已經會好開心。佢地都會將大部份既利是錢寄翻去家鄉。但準僱主一旦派到$500或$1,000元利是就要小心,因為如果下年外傭工作表現較差,僱主要調整銀碼上就會比較困難。

 

利是要收好:好多僱主都係提早準備定一疊利是,以便派俾公司同事或者小朋友。但金錢始終都係財物,僱主一定要妥善收好利是,以免發生不必要的爭拗而影響僱傭關係。

 

派利是唔係必然:陽光女傭中心明白疫情影響下,唔少僱主既收入都會受到影響。我地亦都有翻小建議俾僱主,就係可以考慮買衫俾女傭。當女傭穿起僱主送既衫出街見朋友時,佢地會知道女傭係僱主屋企『著好住好』,女傭自然『有頭有面』見同鄉。

 

最後陽光女傭中心祝各位僱主2022虎年身體健康,財源滾滾!

*此文章由 陽光Blog文案/專業編輯團隊分享並僅供參考,陽光女傭中心或陽光Blog對信息或內容所招至的損失或損害,不會承擔任何責任。

社交媒體

推薦人優惠(獨家)

更多的資訊內容

特別推薦